Aqqusinertigut Angallannermut Aqutsisoqarfiup nittartagaq kalaallisooq fstyr.gl saqqummersippaa, tassanilu aqutsisoqarfiup Kalaallit Nunaanni suliai pillugit paasissutissat ataatsimoortinneqarsimasut nassaarineqarsinnaapput. Nittartakkap innuttaasunut, suliffeqarfinnut suleqatigisanullu aqutsisoqarfiup Kalaallit Nunaanni suliai suliniutaalu pillugit paasissutissat atorfissaqartitamik nassaarinissaat ajornaallisissavaa.
Aqqusinertigut Angallannermut Aqutsisoqarfik assigalugu Færdelsstyrelsen-ip Kalaallit Nunaanni angallannerup isumannaallisarneqarnerata nukittorsarneqarnissaa suliniutigisuuaat. Kalaallit Nunaata Politiivi qanittumik suleqatigalugit aqqusinertigut angallatit teknikkiisa misissorneratigut.
Fstyr.gl-ip saqqummersinneratigut aqutsisoqarfiup suliat ingerlatai aamma oqartussatut suliat tigummisai pillugit paasissutissat kalaallisut atuarneqarsinnaalissapput. Tassani siunertarineqarpoq Kalaallit Nunaanni innuttaasut soqutigisaqartullu toqqaannarnerusumik tulluussaakkamillu attaveqarfigisinnaanissaat.
”Malittarisassat atukkagut suliagullu pillugit paasissutissat ajornanngitsumik nassaarineqarsinnaanissaat paasiuminartuunissaallu kissaatigaarput. Nittartakkap nutaap atulerneratigut ilisimasagut oqartussatullu suliagut Kalaallit Nunaanni innuttaasunut nassaariuminartunngortinnissaannut alloriarpugut. Tassunga pissutaavoq sullissilluarneq, kalaallit oqaasiinut ataqqinninneq aamma paasissutissanik atorfissaqartitsisuusut paasissutissat ajornannginnerusumik nassaarisinnaassagaat qulakkeerneqassasoq angorusukkatsigu,” taamak oqarpoq René Jensen, allaffimmi pisortaq.
Aqqusinertigut Angallannermut Aqutsisoqarfiup Kalaallit Nunaanni suliassai annertusiartortillugit nittartakkap imai aamma ineriartussapput. Aallaqqaammut annerusumik fstyr.gl-ip aqqusinikkut angallatinik teknikkikkut misissuisarneri pillugit paasissutissanik nittartagaq imaqassaaq.